Jæja þá kom að því að eitthvað nýtt fæðist á þessari síðu, enda tími til kominn.
Frekar lítið um að vera í mínu lífi þessa dagana, er úti alla daga í vinnunni vegna þessarar blíðu sem er búin að vera undanfarið (mætti þó sleppa þessum kalda blæstri sem yfirleitt fylgir með....þá væri þetta algjört bongo). Ég sem hef útlit hins sanna víkings, sem sé skjanna hvít, er meira að segja búin að ná mér í svolítinn lit (þá meina ég ekki þennan rauða). Eftir morgundaginn er bara ein vinnuvika eftir og svo kemur frííííí og það eru bara 10 dagar þangað til við förum til Minneapolis. Vandinn með að fara núna til Minneapolis er að ég veit ekki hvaða fatastærð ég á að kaupa, á ég að kaupa það sem passar á mig núna eða eitthvað aðeins minna með von um að mér takist að hrista af mér þetta andsk.... spik sem ákvað að taka sé bólfestu á mér. Er að reyna að vinna í þessu og stend mig yfirleitt alveg ágætlega hvað varðar minnkun á nammiáti og áti almennt en engin árangur hefur komið í ljós ennþá. Er að reyna að koma mér í að hjóla er búin að fara nokkrum sinnum en þarf að vera duglegri.

Svona í lokin verð ég að setja inn frétt sem var í Fjarðarpóstinum (http://www.fjardarposturinn.is/) í dag....

"Það er skammt stórra högga á milli hjá lögreglunni í landinu þegar kemur að því að fanga dýr sem ganga laus um jarðir og bæi. Allir vita af verkefni lögreglunnar á Sauðakróki í vikunni þegar reynt var að fanga ísbjörn á Hrauni á Skaga. En það vita ekki allir að lögreglumenn í Hafnarfirði fengu ekki síður erfitt verkefni í gærkvöldi þegar tilkynning barst um hænu á gangi í miðbæ Hafnarfjarðar. Ekki var þó viðbúnaðurinn eins mikill og á Hrauni á Skaga og ekki þurfti að leita til danskra dýrafangara í þetta skiptið. Lögreglumenn á lögreglubifreið fóru á staðinn og hófu eftirför á eftir hænunni, en hún var ekki samstarfsfús í fyrstu og lét ekki ná sér frekar en björninn. Hænan gafst þó upp að lokum og var flutt á lögreglustöðina til viðtals. Ekki fékkst uppgefið hvert erindi hænunnar var í miðbæ Hafnarfjarðar eða hvernig hún komst þangað en málið er í rannsókn." 

Þetta er dæmi um mjög skemmtilegan fréttafluttning. Vona að þetta standist reglur um heimildanotkun  
kveðja Berglind Kristín 

Ok. þetta er bara orðið hallærislegt...þrjár síðust færslur hérna inni heita "Gleðilegt...". Tvær ástæður eru fyrir þessu sú fyrri er sú að ég er búin að vera afspyrnu löt að skrifa og hin er sú að ég á alveg afskaplega erfitt með að finna hver fyrirsögnin á að vera. Svo gætu þetta verið einhverjar ómeðvitaðar hugsanir sem eru að brjótast fram um hversu glöð ég er alltaf.
En að öðru... þetta skólaár er búið að vera fáranlega fljótt að líða. Vááá, eitt próf eftir (á fimmtudaginn) og svo vonandi bara eitt ár eftir þar til ég útskrifast með BA-gráðu og tek svo eitt ár í frí áður en ég klára þetta alveg. Veit ekkert hvernig er búið að ganga í prófunum núna... þetta eru búin að vera frekar óútreiknanleg próf. Ætla bara að vona það besta.
Við Viggi erum búin að kaupa ferð út til Minneapolis í sumar, verður bara gott og gaman að komast aðeins útfyrir landssteinana. Þetta er einn af kostunum við að vinna í leikskóla á sumrin, þá fær maður alltaf smá sumarfrí, annað en í öðrum sumarvinnum.

Ég verð að hætta að núna er nefnilega að skrifa í tölvunni hans pabba og hann þarf að nota hana.
Skrifa vonandi aftur inn fljótlega,
kveðja Berglind lati bloggari.

humm það var nú ekki ætlunin að skrifa bara hér inn við hátíðleg tækifæri en sú virðist nú raunin vera ef miðað er við síðustu færslu og þessa hérna. Vonandi að þetta lagist með hækkandi sólu. Er nú samt duglegri að blogga en ónefndur frændi minn, þar sem sumarlokun er afstaðin er viðtók haustlokun og svo vetrarlokun. Spurning hvort það verði opnað í vor hjá honum. 

Síðan síðast er nú eitthvað búið að ské hjá mér t.d. skrapp ég til Barcelona í eitt stykki helgarferð í boði vinnunnar hans Vigga. Það var rosa gaman, skoðuðum borgina bæði fótgangandi og í svona tveggja hæða sightseeing rútu. Ekkert smá flott borg og margt að skoða sem maður nær ekki í einni helgarferð. Við værum sko alveg til að fara þarna aftur og stoppa aðeins lengur. Skoðuðum þessa frægu kirkju (Temple Sagrada Familia) sem nánast allir í kringum mig virtust vita um en ég ekki. Skoðuðum hana reyndar bara að utan en þetta er ekkert smá flott bygging sem alltaf er verið að bæta við. Það sem stóð allra hæst uppúr þessari ferð var Barcelonaleikurinn sem við fórum á. Ok. ég er nú ekki þekkt fyrir að hafa mikinn áhuga á íþróttum en það var geðveikt gaman að sjá fótboltamennina svona nálægt og heyra í þeim og vera í stemmingunni  í stúkunni. Þessar 90 mínútur liðu eins og 10 mínútur sem þýðir að ég hlýt að hafa þótt mjög gaman, því tíminn líður alltaf hratt þegar það er gaman.

Hvað varðar týndu einkunina sem ég sagði frá síðast, hún skilaði sér aldrei og ég hreinlega nennti ekki að röfla meira á skrifstofunni svo ég lét þetta bara eiga sig úrþví að ég vissi að ég hafði fallið. Tók bara prófið aftur og fékk 8,5 í staðinn fyrir 3 og hækkaði mig í hinu upptökuprófinu líka. Var ekkert smá stollt með það! Mér er satt best að segja búið að ganga ágætlega í skólanum eftir áramót og vona að það haldi áfram og skili sér í góðum einkunnum í lokin. Er orðin svolítið leið á því að vera í skólanum en hugga mig við að það er bara 1 ár þar til ég er búin með BA.

jæja komið gott af blaðri í dag, skal reyna að vera duglegri að skrifa hérna svo það taki ekki eins mikinn tíma að lesa í þau skipti sem ég skrifa hérna inn.
ætla að koma mér í lestur fyrir ritgerðavinnu...þar til næst bæjó
p.s. farið varlega í páskaeggja átið svo ekki komi upp slagsmál um klósettið

Svolítið liðið frá því að ég skrifaði hér síðast. Prófin byrjuðu og kláruðust og svo komu jólin og áramótin og svo byrjaði skólinn, þetta er sem sé líf mitt í stuttu frá síðustu færslu. Gekk ekkert sérstaklega vel að læra fyrir prófin og því einkunnirnar eftir því, féll reyndar bara í einu en ætla samt að taka tvö upptökupróf í næstu viku. Ætli það sé ekki þess vegna sem ég er að skrifa hérna inn núna...þ.e. að ég nenni ekki að læra og nota því tímann í mikilvæga hluti eins og að blogga. Enn og aftur gat skólinn minn klúðrað einkunnagjöf hjá mér aftur!!! Það getur ekki verið að þetta fólk hafi meiri menntun en kannski að hafa verið í Leikskóla! Enn og aftur var ég skráð fjarverandi í prófi og ég sendi kennaranum E-mail....humm, kunnugleg saga! Það nýja í sögunni er það að kennarinn fór yfir öll prófin og þar með talið mitt og sendi skrifstofunni einkunnirnar en svo virðist vera sem einkunin mín hafi bara hlaupið í burtu úr E-mailinu einhvers staðar á leiðinni frá Landakoti og upp í HÍ svo ef þið rekist á hana þá megið þið segja henni að hennar sé beðið á uglunni. Kennarinn lét mig vita að ég hefði fallið í þessu en mér þætti samt alveg fínt að hafa einkunina sjálfa með. Kennarinn sendi einkunina mína aftur í skólann en einkunin virðist hafa eitthvað á móti því að mæta í skólann ...skil það svo sem alveg vel eftir langt og gott jólafrí en come on ekkert gott varir að eilífu.... og skilaði sér ekki í annað skiptið! Konan á skrifstofunni ætlaði að gera þriðju tilraunina til að fá einkunina mína í skólann en enn hefur ekkert sést til hennar. Jæja verð að hætta, House er að byrja....

bæ þar til næst, Berglind í einum af 100 bestu skólum í heimi.

Alveg ótrúlegt hvað maður er latur við að skrifa hérna inn....en samt alltaf að gá hvort ég hafi fengið einhver komment. Það gerist víst ekki ef maður skrifar ekki. Er alltaf að því komin að skell mér í skrifin en hætti svo alltaf við. Það virðist vera helst að ég skrifi hér inn ef ég nenni ekki að læra eða er komin með upp í kok af lærdómi eða einhverju öðru. T.d. núna var ég að enda við að senda ritgerð í Taugasálfræði máls sem ég átti að skila á miðnætti í síðasta lagi, skilaði reyndar kl. 1/2 1. Ég er svoleiðis búin að rembast eins og rjúpa við staur (eins gott að ég var ekki skotin! hehehe)  að lesa einhverja !$#%$!!# greinar og koma því frá mér hvað rannsóknir hafa sýnt um merkingarminni. Ég get sko sagt að þær hafi allavega ekki kennt mér mikið, þetta er allt í einum þvæligraut í hausnum á mér og komst við illan leik niður á blað og þá meina ég ILLAN leik!!!! Ritgerðin átti í mesta lagi að vera 4-5 bls en Berglind litla kom ekki útúr sér nema rétt tæplega 2 og hálfri. Þessi skrambans ritgerð gildir svo 25% og mig grunar að ég eigi ekki eftir að fá mörg % af þessum 25

Varð bara aðeins að fá að rasa út! Það er svo leiðinlegt þegar maður er að reyna eins og maður getur en það leiðir ekki til neins árangurs.

En að einhverju skemmtilegra...það styttist í jólin og mér er farið að hlakka til! Langt síðan að mér hefur hlakkað til jólanna þegar það styttist í jólin. Einhverra hluta vegna hefur jólaskapið mitt undanfarin ár komið á röngum árstíma sem sé á sumrin. Spurning hvort það hafi verið vegna mengunarinnar í álverinu. Ég er meira að segja búin að kaupa eina jólagjöf! ÞAð gerist yfirleitt ekki fyrr en í kringum 15.des. Önnur ástæða fyrir að mér hlakkar til jólanna er að þá kemst í FRÍ FRÁ SKÓLANUM! JIBBÍÍÍ! Ég er bara komin með smá skólaleiða vona bara að það lagist um jólin. Svo er líka annað sem styttist í en það er að þegar ég fer til Barcelona!  Ég er strax farin að vera spennt samt alveg 2 og hálfur mánuður í þetta. Aftur er það vinnan hans Vigga sem býður okkur báðum út og núna á Barcelona leik....kannski að maður sjái Eið spila

Tjái mig meira seinna...er búin að ná að róa mig svolítið eftir ritgerðasmíðin og er að spá í að fara að sofa núna. zzzzz bleble og góða nótt Mig grunar samt að þið séuð flest farin að sofa sem lesið þetta en vona nú bara samt að þið eigið góða nótt og sofið rótt.

kveðja Berglind "námsrjúpa"

Langt síðan að ég hef skrifað hérna síðast en eins og ég sagði um daginn í kommentunum, þá ætti að fara að styttast í nýjan pistil. Er ekki tilvalið að gera það þegar maður er að læra undir próf?

Allavegna hef ég haft nóg að gera í sumar. Búin að vera að vinna á leikskólanum sem er held ég barasta skemmtilegasta vinna sem ég verið í. Fínt að geta fengið þessi kríli lánuð yfir daginn til að leika sér við þau og reyndar að hugsa um þau líka og skila þeim svo bara í lok dags. Svo hefur veðrið líka gert þetta ennþá skemmtilegra því þá er hægt að vera úti í sólinni á meðan maður er að vinna.  Leikskólinn var lokaður í þrjár vikur, þannig að ég fékk 3 vikna sumarfrí. En eyddi því í að REYNA að læra fyrir sumarprófin sem eru í næstu og þarnæstu viku. Það er frekar erfitt að læra þegar það er sumar.... og ennþá erfiðara að læra þegar það er svona sumar eins og er búið að vera. En er þó búin að læra eitthvað og skilja betur en í vetur. Er komin í frí núna til að læra fyrir prófin mín tvö...og það gengur svona ágætlega, þetta mjakast áfram.

En ég er nú ekki bara búin að vera að vinna og læra í sumar. Er búin að fara tvisvar vestur í Hólm og einu sinni vestur á Borg í Skötufirði. Við fórum fimm vestur á Borg, Ég, Viggi, Pabbi, Ella og Óli. Fengum alveg ágætisveður, hefði þó mátt vera meiri sól en samt var þetta reyndar bara fínt. Pabbi var svaf í fellihýsinu en við hin sváfum í tjaldinu okkar Vigga. Notuðum fellihýsið sem matsal. Þó nokkuð vesen var að koma fellihýsinu fyrir (við pabbi vorum að því á meðan hin voru að tjalda), það var alltaf skakkt þannig að við vorum farin að setja steinhellu undir það til að rétta það af og settum svo aðra undir litla hjólið að framan til að það myndi ekki sökkva í jörðina þá brotnaði andsk.... steinninn! Fengum þá stákana til að hjálpa okkur að lyfta því til að setja aðra hellu undir það gekk bara fínt þar til hjólið rann útaf hellunni og skall næstum því á bílnum en puttinn á Vigga lenti á milli. Sem betur fer marðist hann bara en brotnaði ekki. ég hélt að þetta hefði ekki verið neitt mikið og missti útúr mér "jæja gott að bíllinn skemmdist ekki!" Fékk ekkert smá samviskubit þegar ég sá puttann á Vigga tútna út og blána. En loksins komu við nú fellihýsinu fyrir og þá sáum við það að við höfðum verið að keyra yfir geitungabú fram og til baka þegar við vorum að reyna að koma fellihýsinu fyrir. Úpsí! Greyið geitungarnir voru svo allir heimilislausir daginn eftir og gerðu ekki annað en að reyna að "vingast" við okkur með því að koma í heimsókn í tjaldið og fellihýsið og sitja hjá okkur í útileigustólunum. Við vorum ekki hrifin að þessum "vinum" og kveiktum því í restinni af húsinu þeirra næstu nótt.

Díana systir hans Vigga og Egill eignuðust lítinn prins í gær, voða mannalegan gæja. Til hamingju með það Díana og Egill.

Jæja nóg af blaðri núna...afsakið hvað þetta er langorður pistill en þetta er í meginhlutum það sem hefur gerst hjá mér í sumar.

Kveðja Berglind

Jæja þá eru allar einkunnirnar mínar komnar eftir mikil vandamál að venju! Fer að halda að þetta séu samantekin ráð hjá kennurunum að taka mig á taugum til að losna við mig úr skólanum. Eins og flestir hafa heyrt þá var ég felld í sumarprófi í fyrra en kom svo í ljós að ég hafði fengið 9! Já úps Exelið reiknaði vitlaust var mér tilkynnt í símanum eftir að hafa skráð mig upp á nýtt í skólann og keypt bækurnar fyrir nýju fögin. En þetta reddaðist blessunarlega svo ég komst á annað árið í sálfræðinni í fyrstu tilraun. Núna lenti í ég í hörku rifrildi við einn kennarann minn sem gat ekki skýrt fyrir mér afhverju hún gæfi mér svona lítið fyrir svarið sem hún fór yfir. Hún var bara með skæting og leiðindi og endaði á að segja mér bara að kæra sig úr því ég væri ekki sátt við hana. Ég sagðist nú ekki vilja vera með nein leiðindi en hún hélt áfram með skæting við mig svo ég endaði á að spyrja hana hvernig ég gæti kært. Því vildi hún ekki svara. Ég hringdi nokkrum dögum seinna í skólann og spurði út í þessi kærumál en þá kom í ljós að ég gæti ekki kært nema ég hefði fallið sem ég reyndar gerði ekki en fékk verulega lágt sem hefur áhrif á meðaleinkunina. En samt svo sem alveg skiljanlegt að þessi regla sé til staðar því annars hefði fólk ekki annað að gera en að fara yfir próf óánægðra nemenda. Sem sagt kennarinn vissi bara ekkert í sinn haus þegar hún var orðin hundfúl við mig og sagði bara einhverja vitleysu. Svo eftir á að hyggja þá fattaði ég að hvor spurning í prófinu gilti 30% en maður gat samt bara mest fengið 10 stig fyrir svarið en svo var reiknað útfrá 30%. Ég veit ekki hvort ég sé eitthvað að misskilja svona útreikninga en ég myndi halda að það væri frekar skrýtin útkoma sem kæmi útúr því. Eða hvað? En þetta er ekki allt sem gerðist í prófunum núna því þegar einkunnirnar úr Skynjunarsálfræðinni komu þá kom í ljós að ég var skráð fjarverandi í prófi! Þeir týndu prófinu mínu og bara mínu prófi þó fleiri en ég hafi verið í prófinu á sama stað! Mér var virkilega brugðið og sendi kennaranum E-mail sem fann prófið mitt og kippti þessu í liðin. Þannig að allar einkunnir eru núna komnar í hús og ég náði ÖLLU!!!! Þó ekki með glæsibrag eins og hér áður fyrr. Ég veit nú ekki hvort ég sé sammála að HÍ sé einn af 100 bestu?

Jæja kveð í bili úr rigningunni á Völlunum, því hér er kominn maður..... úr Byko (...hann er víst Ekki löngu látinn) Bæjó Berglind í Háskóla

...eða kíkti ég svona skakkt á dagatalið? Hvað er málið með að fá snjókomu núna? Arg! ég hélt að þetta veðurfar væri búið í bili (...en ekki snjókomu...hahaha...aula húmorinn minn í fyrirrúmi eins og svo oft áður  ).

Já eins og ég sagði síðast þá vorum við á leiðinni til Köben. Þetta var bara snilldar ferð, fyrir utan íslenska veðurfarið sem fylgdi okkur annan daginn. Ég er sko ekki að djóka að það var rok og rigning fyrri daginn okkar þarna úti en hafði verið helgina áður u.þ.b. 25°C. Hrumpf... alveg týpískt fyrir mann. En engu að síður var heljarinnar fjör þarna úti...vorum á mjög fínu hóteli ca. 5 mínútur frá Strikinu sem var nokkuð þægilegt. Tónleikarnir með Sálinni og Stuðmönnum voru þvílíkt góðir og maturinn þar líka. Stemmingin var þvílík þarna og greinilega skemmtanaglaðir Íslendingar mættir á svæðið. Er nú ekki alveg viss um að allar þjóðir myndu fara til annarra landa til að fara á tónleika með hljómsveitum frá sínu eigin landi , en samt sem áður alveg snilldar hugmynd hjá þeim sem datt þetta upphaflega í hug. Röltum Strikið á fimmtudeginum og svo var borðað á Hereford um kvöldið og farið á pöbbarölt. Tívolí á föstudeginum með Sigrúnu vinkonu sem skellti sér yfir til Köben frá Lundi til að hitta okkur, sem var líka bara rosa gaman. Ég fór reyndar ekki í öll tækin með þeim en samt í þau flest. Ég ákvað að vera ekkert að fara í einhver loftfimleikatæki þar sem ég fæddist til að labba á jörðinni en ekki svífa í loftinu.

 Prófin eru búin og mér gekk ágætlega held ég og vona ég...þó spurning með eitt prófið. Engar einkunnir konar ennþá en miðað við allt eðlilegt ætti ein einkun að koma í síðasta lagi í dag. En það er ekki eins og kennurum finnist það eitthvað endilega tilkomumál þó þeir láti mann bíða með hjartað í buxunum í einhvern tíma! Ég fór með pabba, mömmu og Óskari vestur í síðustu viku, kíkti aðeins á lömbin og folöldin sem eru komin í heiminn. Alltaf eru þessi grey jafn miklar dúllur, ég ætla að finna upp vél sem getur látið dýr alltaf vera lítil þá meina ég kettlingar, hvolpar, lömb o.s.frv. Byrjaði að vinna fullan vinnudag í dag á leikskólanum, veit ekki enn hvernig vinnutíminn minn verður, en það kemur vonandi fljótt í ljós. Sko er alveg til í að halda áfram að skila en miðað við allt eðlilegt þá ætti það bara að vera aðra hvora viku en veit ekki ennþá hvað verður. Er að fara í sveitaferð með leikskólanum á morgun á bæ sem heitir Hraðastaðir held að hann sé einhvers staðar hjá Hvalfirði.

Jæja gott fólk, held að þetta sé komið alveg gott núna...en læt vita hvernig gekk í prófunum þegar ég fæ að vita. Allir að krossleggja fingur fyrir mig svo þetta fari nú vel hjá mér.

Bæjó þar til næst, Berglind málglaða.

Sælt veri fólkið og gleðilega páska.

Ákvað að láta heyra aðeins í mér svona úrþví að ég nenni ekki að læra eins og er og er búin að vera soldið mikið busy undanfarið og því ekki haft mikið að segja hér inni. Bara þetta venjulega mikið að gera í skólanum sem mætti þó gera það að verkum að ég væri duglegari, en held nú samt að ég sé aðeins duglegari núna en síðast. Allavega búin að læra meira að segja um páskana, það hefur sko ekki alltaf gerst þó ég hafi ætlað það. En komst að því í persónuleikasálfræði um daginn að þetta er víst bara mannlegt eðli að fresta öllu fram að því síðasta. Kennarinn okkar er ungur strákur sem er bara stutt síðan að útskrifaðist úr HÍ og hann var að lýsa þessu fyrir okkur þegar hann var í skóla.....Byrjun hverrar annar var sú hugsun efst í huga að ætla SKO ekki að gera allt á síðustu stundu heldur læra JAFNT OG ÞÉTT yfir önnina. Hver kannast við þetta???? En hvað gerist svo, margt sem er miklu skemmtilegra er í boði alla önnina og það má ekki missa af því... Maður verður bara duglegur á morgun og um næsu helgi! Kennarinn lýsti meira að segja því þegar hann var að gera BA ritgerðina. Hann var búin að sjá fullt af fólki á sinni skólagöngu sem svaf ekkert síðustu 3 vikur fyrir skil á ritgerðinni...þetta ætlaði hann SKO alls ekki að standa í, heldur ætlaði hann að vera á þessum tíma að lesa yfir ritgerðina í 6. skipti og vera svo alveg ready þegar stundin rynni upp. Hann varð nú samt sem áður eins og hinir að prenta ritgerðina út á síðustu stundu með tippexið við hendina að lagfæra hana. (vonandi soldið ýkt hjá honum samt).

En nóg af skólanum...búin að fara í tvær fermingar og hugsa að ég láti það duga. Laugi og Valdís eru að láta skíra dúlluna sína í dag...á eftir að frétta hvert nafnið er....en bíð spennt. Styttist í ferðalagið okkar Vigga...Kaupmannahöfn here we comes! Þetta gerist bara þarnæsta miðvikudag...vííííí´húúúúú! Gott að hlaða betteríin enn betur fyrir prófin. Við fórum á Papaball á Players síðasta miðvikudag...virkilega vel heppnað djamm það, svo ætlum við stelpurnar að endurtaka leikinn í kvöld og djamma bara fjórar saman (Ásta, Ella, ég og Unnur). Fáið að heyra meira af því næst.

Ætla að fara að klára að horfa á Sum of all fears og læra smá og fara svo að grilla kjúlla með Vigga á nýja grillinu okkar.

bæjó þar til næst...hafið það gott og borðið ekki yfir ykkur af páskaeggjum Kveðja Lindin 

Afsakið kæru aðdáendur að nýr pistill lítur ekki dagsins ljós fyrr en nú. Var ekki alveg að meika það að snerta tölvu eftir ritgerðarskrifin mín á fimmtudaginn. En er nú að verða búin að ná mér eftir skrifin. Átti alveg YNDISLEGA nótt með tölvunni minni á aðfararnótt fimmtudagsins, reyndar líka með vinkonu minni á msn sem líka var að skrifa ritgerð um sama efni. Hún gafst upp um kl. 5 um morguninn en ég harkaði að mér til kl. 6. Því þá var heilinn kominn í verkfall og neitaði að taka þátt í meiri pælingum fyrir framan tölvuna fyrr en ég væri búin að fá mér smá kríu. Ég hlýddi og skreið upp í rúm og pældi þar í efninu í dágóða stund með þeim fáu heilastöðvum sem enn voru vakandi og sofnaði svo og var vöknuð aftur eldhress kl. 10. Og hvað ætli hafi verið mitt fyrsta verk þegar fram úr var komið?....Jújú að kveikja á mínum ástkæra náttfélaga....sko tölvunni...Viggi var farinn í vinnuna  og halda áfram við skrifin. Var alveg að til kl. tutttugu mín í fjögur og þá var prentað og hlaupið og brunað af stað í skólann með ritgerðina í tíma sem byrjaði 10 mín í fjögur. kom soldið of seint en skilaði þó að dæsti einhverju útúr mér um efnið. Það dæs hafði EKKI mikið innihald. En ritgerðin er búin og komin í hendur dómaranns.

Eins og lesa má útúr þessari sögu sést að ég hef ekkert þroskast hvað þetta varðar eftir öll þessi ár í skóla.....ég er alltaf á síðustu stundu með allt svona dótarí. Og þá meina ég ALLTAF!

Innflutningspartýið var bara algjör snilld þó ákveðnar manneskjur hefðu sko alveg mátt sleppa þorrablótinu og mæta frekar í party ársins. ....en það kemur nú vonandi party eftir þetta party. Held barasta að allir hafi skemmt sér vel nema einn náungi sem ákvað að vera í fýlu allt kvöldið....bara afþví bara. En slíkt lætur maður ekki á sig fá og drekkur bara meiri bollu og svo eru ávextir náttla MJÖG hollir þannig að maður skellti þeim út í bolluna og fór í hollustuna og borðaði þá. Fór misvel í suma þegar þeir röltu heim til sín í næstu götu. Átti víst eitthvað erfitt með að stjórna fótunum, gat opnað íbúðina sína eftir nokkrar einbeittar tilraunir, reyndist svangur, skellti samloku í grillið og Úúúúppppssss vaknaði við reykskynjarann. Ávextirnir reyndust honum víst hollir. Þetta sýnir að allir ættu að eiga reykskynjara í lagi svo ekki fari illa þegar maður borðar ávexti og býr svo til samloku.

Fór í leikhús í dag með Vigga, mömmu, pabba, Ellu og Óla...fórum á Laddi 6-tugur....bara snilldar sýning það. Allir gömlu karekterarnir hans komu fram, Eiríkur Fjalar, Dengsi, Saxi, Skrámur o.m.fl. Ætluðum svo að skreppa aðeins á rýmingarútsölun hjá rúmfatalagernum í Holtagörðum. Þessi ferð reyndist sko ALLLLLLSSSSSS EKKI vera skrepp ferð. Við ösnuðumst til að fara að kaupa eitthvað dóterí, reyndar allt sem er mjög gagnlegir hlurtir og við mamma biðum svo í röð í 1 og 1/2 klst. Púff hvað þetta var leiðinlegt, en þrjóska ég vildi ekki hætta í röðinni úr því við vorum byrjaðar þar. Man það bara næst að labba strax út þegar ég sé svona mikinn fjölda útsöluóðra Íslendinga að koma mér strax út svo ég smitist ekki af útsöluæðinu. Ætli útsöluæði sé eitthvað skylt hundaæði? Vorum svo grand á því og buðum mömmu, pabba, Bjarna Þór og Óskari í lambalæri með hvítlauk og BBQ...Geggjað gott eins og flest allt sem er eldað á þessu heimili, hvort það sé ég, Viggi eða við bæði sem eldum.

Jæja ætla að láta þetta duga núna...svo þið getið allavega lesið þetta í tveimur hollum sökum lengdar á pistli. Kærlig hilsen Lindin málglaða (allavega þegar hún byrjar).

Ákvað nú að láta heyra í mér svo fólk héldi ekki að ég sé dauð. Er sko alveg sprell lifandi en bara búin að vera að drukkna í lestri og verkefnavinnu í sálfræðinni. En náði nú að halda mér á floti svo ég drukknaði ekki. Erfitt að einbeita sér að skrifa ritgerð um efni sem maður skilur ekki en úr varð að lokum eitthver samansafn orða um postmodernista (vona ég) Fékk eitthvað prótein duft hjá Villa frænda sem svínvirkaði á heilasellurnar og framreiddi heila ritgerð. Takk fyrir það frændi.

En að einhverju öðru skemmtilegra. Innflutningspartýið verður um næstu helgi svo sumir verða að velja og hafna milli þorrablóts eða hörku partýs hjá okkur skötuhjúunum í villunni okkar. Formlegari boð verða send út um helgina til þeirra sem er boðið og vitum að geta komið...svo Kristín I og Sigrún ekki illa meint að þið fáið ekki boð. Reikna ekki með að þið takið flugið heim til að mæta í party. Samt örugglega þess virði því það verður örugglega hörku stuð. Ykkur er boðið en látið okkur þá bara vita ef þið komið á frónna.

Við Viggi erum að fara til Kaupmannahafnar með vinnunni hans í kringum sumardaginn fyrsta. Okkur er boðið út á tónleikanna með Sálinni og Stuðmönnum. Held að það verði sko bara gaman. Ágætis upplyfting fyrir prófatörnina. Kem sko alveg fersk til að takast á við þau og að sjálfsögðu rúlla þeim upp með annari.

Jæja komin tími til að opna skólabók í dag og glugga aðeins í hana. Þar til næst knúsið hvort annað og auðvitað mig líka þegar þið hittið mig .... og látið ykkur líða vel. Lindin kveður í bili og ætlar að sökkva sér í lestur um þroska barna. Bæjó!

Já ótrúlegt hvað tíminn er fljótur að líða! Ég er ekki að grínast en ég er strax farin að hafa áhyggjur af því að komast ekki yfir námsefnið! Það gengur eitthvað erfiðlega að koma sér af stað þó svo að áhuginn sé sko alveg fyrir hendi núna. Það er bara svo erfitt að koma sér af stað og halda sig við efnið! Og enn erfiðara þar sem ég er ALLTAF þreytt og ef ég mætti þá myndi ég sennilega sofa allan daginn....og svo er ég búin að vera veik og virðist ekki alveg ætla að ná mér almennilega uppúr því.   Missti viku úr skólanum útaf þessari leiðinda flensu. Skrýtið hvað ég er búin að vera mikið veik síðan ég flutti. Vona bara að það sé eitthvað tilfallandi og fari nú að líða hjá. Bíllinn minn fullkomnaði svo byrjun dagsins í dag með því að neita að hleypa mér inn í sig í morgun...svo að ég varð bara að skrópa í þessum eina tíma sem var í dag og læra stað þess bara hérna heima sem og ég gerði en samt ekki eins mikið og eðlilegt væri...því jú auðvitað sofnaði ég.

En að öðru miklu skemmtilegra umræðuefni. Það var verið skíra litlu skvísuna hjá Rebekku og Benna í gær. Hún fékk það fallega nafn Valdís Björk...til hamingju með það litla skvís. Mjög skemmtileg og falleg athöfn í kirkjunni og svo glæsileg veisla á eftir henni. Fyrsti gistigesturinn var hjá okkur um helgina. Það var hann Gummi frændi sem hlaut þann heiður...vona að hann hafi sofið vel í villunni. Varð reyndar ekkert úr vöfflunum sem ég var búin að lofa...en svona er það þegar mikið er um að vera. Vöfflurnar verða bara bakaðar næst í staðin.

Jæja hætt að blaðra í bili og ætla að fara að lesa fyrir skynjunarsálfræðina, var nebbla að prenta út lesefnið á meðan ég var að skrifa. Kveðja Lindin

 

 

Úrslit landsleiksins í gær voru sorgleg. Þvílíkur leikur! Maður leiksins pottþétt Snorri, átti 15 mörk í þessum leik. Geri aðrir betur. Þó það hafi verið mjög sárt að tapa þessum leik með einu marki má þjóðin sko vera stolt af strákunum. Að aðeins eitt mark hafi skorið úr hver vann segir okkur að báðar þjóðir, Íslendingar og Danir, hafi átt nokkuð svipaðan leik. Þó svo mikið hafi vantað upp á vörnina á tímabilum og markvarslan hafi verið mjög slök í þetta skiptið. Því var það bara tímaspurs mál hverjir komust yfir á lokasekúndunni. Strákarnir eru búnir að standa sig mjög vel og eiga HEILMIKIÐ hrós skilið. Það má ekki gleyma öllum hinum leikjunum sem þeir eru búnir að spila glæsilega. Birkir Ívar átti ekki góðan dag í gær en hann er búin að vera mjög góður í markinu á mótinu, sama má segja um fleiri. T.d. Logi er búin að vera heitur nánast allt mótið þrátt fyrir meiðsl og svona mætti áfram telja.  Vona að Íslendingar haldi áfram að kalla þá "strákana okkar" þrátt fyrir tapið í gær. Mjög leiðinlegt að ef að á móti blæs hjá íþróttamönnum þessa lands þá snúa Íslendingar sér með rassinn upp í vindinn og snúa því baki við hetjunum og "eiga" sko ekkert í þeim. En ef vel gengur þá eru þetta "börnin okkar" ("strákarnir okkar, "stelpurnar okkar" o.s.frv.). Líkt og allt fræga fólkið sem kemur á okkar farsældu frón eru Íslandsvinir, þurfa ekki einu sinni að stíga útúr flugvélinni til að verða vinir okkar. Merk nokk ég eignast alla vega ekki vini nema umgangast fólk....eða allavega ekki svo ég viti. Kannski að ég eigi fullt af leynilegum vinum um allar trissur sem ég hef kannski labbað framhjá húsinu þeirra eða eitthvað? Bara pæling.

Jæja nóg komið af blaðri....Vill bara að lokum segja ÁFRAM ÍSLAND....      Kveðja Lindin (sem ótrúlegt en satt er búin að vera að fylgjast með HM og hefur meira að segja gaman af, þrátt fyrir lítinn áhuga á íþróttum).

hæhæ! Vona að fólk eigi eftir að finna mig hérna og hafa áhuga að lesa hinn ýmsa fróðleik og "ófróðleik" sem upp úr mér kemur. Verið er að spá í breytingar á síðu okkar skvísanna, þannig að hún verði aðeins læsileg okkur fjórum, því jú maður segir ekki hvað sem er í allra eyru (augu í þessu tilfelli).Tvær skvísanna eru í útlöndum þannig að við verðum að geta tjáð okkur við hvor aðra á meðan svo er.

Jæja ætla að fara að lesa í Perranum (Persónuleikasálfræðinni), ákvað bara að skrifa smá inn til að fólk viti hver ég er. Kveðja Lindin